శ్రీవారి నిత్యోత్సవాలు

మన విజయవాడ నగరము లో శ్రీలక్ష్మీ శ్రీనివాస సేవాసమితి ఆధ్వర్యంలో స్వరాజ్యమైదానంలో శ్రీవారి నిత్యోత్సవాలు ఆదివారం ఉదయం ప్రారంభం కానున్నాయి. ఈ ఉత్సవాలు జనవరి 22 నుండి 28 వరకు జరుగును. శ్రీవారి నిత్యోత్సవాల్లో భాగంగా శ్రీలక్ష్మీ పౌండరీక మహాయజ్ఞాన్ని నిర్వహిస్తున్నారు,
రోజు వారి శ్రీవారి కార్యక్రమాలు "నిత్యం శ్రీవారి కల్యాణం", "స్వామివారికి నిత్య ఉత్సవాలు", "ప్రవచనాలు, సాంస్కృతిక కార్యక్రమాలు", 10వేల మందికి అన్నదానం. కావున భక్తులందరూ శ్రీవారి ని దర్శించి స్వామివారి కృపా కరుణ కటాక్షములు పొందగలరు
.

శ్రీలక్ష్మీ పౌండరీక మహాయజ్ఞం నిర్వహణ

నిత్యం శ్రీవారి కల్యాణం: శ్రీవారి నిత్యోత్సవాల్లో భాగంగా రోజూ ఉదయం 11గంటలకు శ్రీవారి కల్యాణోత్సవం నిర్వహిస్తారు. రోజూ 200 మంది దంపతులు ఈ కల్యాణోత్సవంలో ఉచితంగా పాల్గొనవచ్చు. కల్యాణంలో పాల్గొన్న దంపతులకు శేషవస్త్రం, లడ్డూ ప్రసాదం, పసుపు కుంకుమ అందించనున్నారు.
స్వామివారికి నిత్య ఉత్సవాలు: తిరుమలలో నిర్వహించే విధంగా స్వామి వారికి నిత్య కైంకర్యాలు నిర్వహిస్తారు. తొలి రోజు ఉదయం 8 గంటలకు ఈ ఉత్సవాలు ప్రారంభించనున్నారు. ఆ తరువాత రోజు ఉదయం 5 గంటల నుంచి స్వామి వారి నిత్య సేవలు ప్రారంభ¼మవుతాయి. సుప్రభాత సేవ, విశ్వరూపదర్శనం, తోమాల సేవ, కొలువు, సహస్ర నామార్చన, సర్వదర్శనం, మొదటి గంట నివేదన, సహస్ర దీపాలంకరణ, తిరుమాడ వీధి ఉత్సవాలు నిర్వహిస్తారు. రాత్రి 9.30 గంటలకు ఏకాంత సేవలో ముగుస్తాయి.
ప్రవచనాలు, సాంస్కృతిక కార్యక్రమాలు : రోజూ సాంస్కృతిక, ఆధ్యాత్మిక కార్యక్రమాలు నిర్వహిస్తారు. సాయంత్రం 5 గంటల నుంచి రాత్రి 8 గంటల వరకు కార్యక్రమాలు ఉంటాయి. 22న బాచుపల్లి సంతోష్‌కుమార్‌ ప్రవచనం, నాట్యాచార్య చింతా రవిబాలకృష్ణ బృందంతో మోహినీ భస్మాసుర నృత్యరూపకం ఉంటాయి. రోజూ రాష్ట్రం నలుమూలల నుంచి పలువురు స్వాములు, పీఠాధిపతులు విచ్చేసి స్వామి వారిని దర్శించుకొని భక్తులకు అభిభాషణ చేస్తారు.
10వేల మందికి అన్నదానం : శ్రీవారి నిత్యోత్సవాల్లో భాగంగా ప్రతి రోజూ 10వేల మంది భక్తులకు అన్నదానం నిర్వహిస్తారు. మధ్యాహ్నం 12 గంటలకు ప్రారంభించే ఈ అన్నదాన కార్యక్రమంలో రోజుకు 10వేల మందికి స్వామి వారి తీర్ధప్రసాదాలు అందేలా ఏర్పాట్లు చేశారు. ప్రజలు, శ్రీవారి భక్తులు కార్యక్రమాల్లో పాల్గొనాలని శ్రీవారి నిత్యోత్సవాల నిర్వాహకులు గరిమెళ్ల నానయ్య చౌదరి, దూపుగుంట శ్రీనివాసరావు, మామిడి లక్ష్మీవెంకట కృష్ణారావు, ఉదయగిరి శ్రీనివాసబాబు వెల్లడించారు.  





Thanks & Regards,







For more information latest events / updates  and lot more... Download Vijayawada TownHub Free Mobile Service App & experience new ways to stay connect with latest happenings in our city.
To Download https://goo.gl/Nd3HWS

Please Click here for Vijayawada Book Festival 2017

 

Please Click here for New Year Events

నవ్యాంధ్ర పుస్తక సంబరాలు - బెల్లపు బాబ్జీ, వీబీఎఫ్‌ఎస్‌ అధ్యక్షులు
గత 27 ఏళ్లుగా చేస్తున్న పుస్తక మహోత్సవాన్ని ఈ ఏడాది పలురకాల మార్పు చేర్పులతో ఏర్పాటు చేస్తున్నాం. ప్రధానంగా ప్రభుత్వం, ఎన్టీఆర్‌ ట్రస్ట్‌ల భాగస్వామ్యంతో నవ్యాంధ్ర పుస్తక సంబరాలుగా వీటిని నిర్వహించబోతున్నాం. మారుతున్న కాలానికి తగ్గట్టుగా నిర్వహణ విషయంలోనూ మార్పులు చేసుకుంటూ వెళ్తున్నాం. అందుకే నేటికీ పుస్తక ప్రియులు లక్షల సంఖ్యలో తరలివస్తున్నారు. సాహిత్యానికి పెద్దపీట వేసేలా ఈసారి వేడుకలను నిర్వహిస్తున్నాం. 
 
  For booking Stall, please contact President Babji Gaaru (99891 23311)

360 స్టాళ్లు.. లక్షల ప్రచురణలు

Dear Sir / Madam,
Wish You a Happy New Year to All.

You are cordially invited to the 28th "VIJAYAWADA BOOK FESTIVAL"  on 1st Jan 2017, 5 P.M @ PWD Grounds, Vijayawada. Inaugurated by our honourable Chief Minister NARA CHANDRABABU NAIDU Gaaru.
 
All People around Vijayawada and Book lovers are welcome, hope you all guys use this occasion. Please consider this is our personal invitation to each and every one.
 
Thanks & Regards,
BELLAPU BABJEE,
President of Vijayawada Book Festival Society,
Vijayawada 

ఏటా జనవరి మాసంలో సంక్రాంతి సంబరాలకు ముందు విజయవాడలో జరిగే మరో వేడుక పుస్తక మహోత్సవం. గత రెండున్నర దశాబ్దాలకు పైగా దిగ్విజయంగా ఇది కొనసాగుతోంది. రాష్ట్రంతో పాటు దేశం నలుమూలల నుంచి ఈ పండగకు పుస్తకాభిమానులు భారీ సంఖ్యలో తరలివస్తుంటారు. బయట ఎక్కడా లేని విధంగా ప్రత్యేక రాయితీపై అందిస్తుంటారు. దీంతో ఏడాదంతా డబ్బులు దాచుకుని మరీ ఇక్కడ కొనుగోలు చేసుకునేవారు వేలసంఖ్యలో ఉంటారు. కొత్త సంవత్సరం ప్రారంభం రోజు నుంచే పుస్తక పఠనంపై ఆసక్తిని పెంచేలా గొప్ప సంస్కృతిని విజయవాడ పుస్తక ప్రదర్శన నిర్వాహకులు కొనసాగిస్తున్నారు. స్థానిక స్వరాజ్య మైదానంలో జనవరి 1 నుంచి 11వ తేదీ వరకు జరిగే ఈ ప్రదర్శన మరో నాలుగు రోజుల్లో ప్రారంభం కానుంది. గత మహోత్సవాలకు భిన్నంగా, అనేక మార్పులు, ఆధునిక సాంకేతికత మిళితంగా ఈ ఏడాది 28వ సంబరం జరగబోతోంది.

ప్రభుత్వంతో కలిసి తొలిసారి.. పుస్తక పండగను ఇప్పటివరకూ విజయవాడ బుక్‌ ఫెస్టివల్‌ సొసైటీ (వీబీఎఫ్‌ఎస్‌) ఒక్కటే దశాబ్దాలుగా నిర్వహిస్తోంది. తొలిసారిగా ఆంధ్రప్రదేశ్‌ భాషా సాంస్కృతిక శాఖ, ఎన్టీఆర్‌ ట్రస్టుల సంయుక్త భాగస్వామ్యంలో నిర్వహిస్తున్నారు. గిరిజన సంక్షేమశాఖ, కాపు కార్పొరేషన్‌, బ్రాహ్మణ కార్పొరేషన్‌, సర్వశిక్ష అభియాన్‌, సెర్‌ü్ఫ వంటి ప్రభుత్వ విభాగాలు సైతం ప్రత్యేకంగా ఒక్కొక్కరూ నాలుగు స్టాళ్ల చొప్పున ఏర్పాటు చేస్తున్నాయి. గతంలో 230 స్టాళ్లను ఏర్పాటు చేయటంతో కొందరికి స్టాళ్లు ఇవ్వలేని పరిస్థితి ఉండేది. ఈసారి 360 స్టాళ్లను ఏర్పాటు చేస్తున్నారు. గత ఏడాది కంటే 130 స్టాళ్లు అదనంగా వస్తున్నాయి. ఏటా మాదిరిగానే లాటరీ పద్ధతిలో స్టాళ్లను కేటాయిస్తున్నారు. 8 లక్షల పుస్తక ప్రియులు..
తాజా పుస్తక మహోత్సవంలో అనేక నూతన మార్పులు చోటుచేసుకున్నాయి. స్టాళ్లు పెరగడంతో పాటు దేశవిదేశీ ప్రచురణ సంస్థలన్నింటినీ రప్పిస్తున్నారు. గత ఏడాది సుమారు ఐదు లక్షల మంది పుస్తకాభిమానులు తరలివచ్చారు. ఈసారి కనీసం ఎనిమిది లక్షల మంది తరలివచ్చేందుకు అవకాశం ఉందని అంచనా వేస్తున్నారు. భాషా సాంస్కృతికశాఖ సహా పలు ప్రభుత్వ విభాగాలు భాగస్వాములుగా వ్యవహరిస్తుండటంతో వేడుకకు మరింత కళ రానుంది.
ఈసారి పిల్లలకు ప్రత్యేకం
ఏటా పుస్తకాల పండుగకు తరలివచ్చే వారిలో చిన్నారులు సైతం భారీ సంఖ్యలో ఉంటారు. ప్రత్యేకంగా తల్లిదండ్రులు వారి పిల్లలకు పుస్తకపఠనం అలవాటు చేయాలనే ఆలోచనతో తీసుకుని వస్తుంటారు. అయితే పిల్లల కోసం ప్రత్యేకంగా ఓ చోట స్టాళ్లను ఏర్పాటు చేయడం అనేది ఇప్పటివరకూ జరగలేదు. తొలిసారి 28వ మహోత్సవంలో చిన్నారుల కోసం ప్రత్యేకంగా పుస్తకాలన్నింటిని ఒకేదగ్గర ఏర్పాటు చేస్తున్నారు. 2వేల అడుగుల వైశాల్యం(20 స్టాళ్లు పట్టే స్థలం)లో బాలల సాహిత్యం, పుస్తకాలను ఏర్పాటు చేస్తున్నారు.
200 మంది రచయితలు
రాష్ట్రంతో పాటు దేశమంతటా ఉన్న 200 మంది ప్రముఖ రచయితలను ఈసారి ప్రత్యేకంగా ఆహ్వానిస్తున్నారు. వారి సాహిత్య కృషి, అనుభవాలను వివరించే ఏర్పాటు చేశారు. చర్చాగోష్ఠిలు నిర్వహించేందుకు మూడు వేల అడుగుల్లో ఓ భారీ హాలును సైతం పుస్తక మహోత్సవ ప్రాంగణంలో సిద్ధం చేస్తున్నారు. ఏపీ రచయితల సంఘానికి ఒక స్టాల్‌ను ఉచితంగా ఇస్తున్నారు.
అరుదైన ప్రచురణలన్నీ..
ప్రపంచంలోని అన్ని ప్రముఖ రచనలూ పుస్తక మహోత్సవంలో కొలువుదీరనున్నాయి. సాధారణంగా ఎక్కడో ఒక్కచోట దొరికే అరుదైన ప్రచురణలూ ఇక్కడ అందుబాటులో ఉంటాయి. సాహిత్యం, భక్తి, సాంకేతిక, విజ్ఞానం, వైజ్ఞానిక, చరిత్ర, బాలలకు ప్రత్యేకంగా.. ఇలా అన్ని రకాల పుస్తకాలు వేల సంఖ్యలో ఒకేచోట కొలువుదీరనున్నాయి. ఒక్కో స్టాల్‌లో ఐదు వేల పుస్తకాలు పడతాయి. ఏ పుస్తకాల దుకాణాల్లోనూ కనిపించని అరుదైన ప్రచురణ సంస్థలు సైతం ఏటా వీబీఎఫ్‌లో తమ స్టాళ్లను ఏర్పాటు చేస్తుంటాయి. గత రెండు మూడేళ్లుగా సీడీల రూపంలోనూ పుస్తకాల విక్రయాలు పెరిగాయి.
11రోజులు విక్రయాలు
పుస్తక మహోత్సవాన్ని జనవరి 1న ముఖ్యమంత్రి చంద్రబాబునాయుడు ప్రారంభించనున్నారు. జనవరి 1 నుంచి 11 వరకూ నిత్యం మధ్యాహ్నం 2 గంటల నుంచి రాత్రి 9 గంటల వరకు ప్రదర్శన కొనసాగుతుంది. పుస్తక పండగ జరిగే ప్రాంగణానికి, వేదికకు ఏటా ఒక్కొక్క దివంగత ప్రముఖుడి పేరును పెడుతుంటారు. ఈసారి పరుచూరి నర్సింహారావు పేరును పెట్టారు. ఈయన టెక్నికల్‌ పబ్లిషర్స్‌ అధినేత, వీబీఎఫ్‌ గ్రంథాలయం దాతలలో ఒకరు. సాహిత వేదికకు ప్రముఖ కళాకారులు మంగళంపల్లి బాలమురళీకృష్ణ పేరు పెడుతున్నారు.
సాహిత్య వేడుకగా..
ఈ ఏడాది ప్రదర్శనను ‘సాహిత్య వేడుక’ పేరుతో నిర్వహిస్తున్నారు. దీనికోసం ప్రదర్శన జరిగే ప్రాంగణంలో నిత్యం ఉదయం 10 నుంచి మధ్యాహ్నం 12 వరకూ మేధోమదన సదస్సులు నిర్వహిస్తారు. 200 మంది రచయితలు రోజుకు కొందరు చొప్పున వచ్చి వీటిలో పాల్గొంటారు. సాయంత్రం 4 నుంచి 6 వరకు ప్రాంగణంలో ఏర్పాటు చేసే సాహిత్య వేదికపై పుస్తకావిష్కరణలు, సాహిత్య సమీక్షలు, ఆలిండియా రేడియో కార్యక్రమాలు జరుగుతాయి. పాఠశాల, కళాశాల విద్యార్థులకు క్విజ్‌ వంటి కార్యక్రమాలను ఎన్టీఆర్‌ ట్రస్ట్‌ నిర్వహిస్తుంది. చివరి రోజున వీరందరికీ బహుమతుల ప్రదానం ఉంటుంది.
పుస్తక ప్రియుల పాదయాత్రకు దువ్వూరి..
పఠనాసక్తిని పెంచడం కోసం వీబీఎఫ్‌ఎస్‌ ఆధ్వర్యంలో విజయవాడ నగరంలో పుస్తక ప్రియుల పాదయాత్రను జనవరి 4న నిర్వహిస్తారు. ఈసారి ఈ పాదయాత్రకు రిజర్వు బ్యాంకు మాజీ గవర్నర్‌ దువ్వూరి సుబ్బారావు సారథ్యం వహించనున్నారు. గాంధీనగర్‌లోని ప్రెస్‌క్లబ్‌ నుంచి పుస్తక మహోత్సవం జరిగే ప్రాంగణం వరకు ఈ పాదయాత్ర జరుగుతుంది. పాఠశాలలు, కళాశాలల విద్యార్థులు, విద్యావంతులు, కళాకారులు, రచయితలు, ఇలా అన్ని వర్గాలవారు పాల్గొననున్నారు.
నగదు రహిత లావాదేవీలు..
పెద్దనోట్ల రద్దు ప్రభావంతో చిల్లర సమస్య ఏర్పడిన నేపథ్యంలో తొలిసారిగా పుస్తక మహోత్సవంలోని స్టాళ్లలో స్వైపింగ్‌ యంత్రాలను అందుబాటులో ఉంచేలా ఏర్పాట్లు చేస్తున్నారు. అవకాశం ఉన్న పెద్ద ప్రచురణ సంస్థలన్నింటికీ వారినే తెచ్చుకోమని సూచించారు. మిగతా వారికి హెచ్‌డీఎఫ్‌సీ బ్యాంకుతో మాట్లాడి ఏర్పాటు చేసే ప్రయత్నం చేస్తున్నామని విజయవాడ పుస్తక మహోత్సవ సంఘం అధ్యక్షులు బెల్లపు బాబ్జీ వెళ్లడించారు. మొబైల్‌ ఏటీఎంను ఏర్పాటు చేస్తున్నారు. స్వరాజ్య మైదానంలో వేడుక జరిగే 11 రోజులూ ఉచిత వైఫై సదుపాయాన్ని అందుబాటులో ఉంచుతున్నారు.

Had a great meeting with  Vijayawada Book Festival Society President  B.BABJEE gaaru.
Some pics taken while Vijayawada TownHub team met with him. 




For more information latest events / updates  and lot more... Download Vijayawada TownHub Free Mobile Service App & experience new ways to stay connect with latest happenings in our city.
To Download https://goo.gl/Nd3HWS 

విజయవాడ: విజయవాడలో జాతీయ చేనేత వస్త్ర ప్రదర్శన ప్రారంభమైంది. సోమవారం ఉదయం మంత్రి కొల్లు రవీంద్ర ప్రదర్శనను ప్రారంభించారు. స్థానిక మొగల్రాజపురంలోని ఏప్లస్ కన్వెన్షన్ సెంటర్ వేదికగా వచ్చే జనవరి 6వ తేదీ వరకు  ఈ ప్రదర్శన కొనసాగుతుంది. రోజూ ఉదయం 11 గంటల నుంచి రాత్రి 8 గంటల వరకు ఉంటుంది. సందర్శకుల కోసం రోజూ సాయంత్రం సాంస్కృతిక కార్యక్రమాలు ఉంటాయని, సెలవు రోజుల్లోనూ ప్రదర్శన ఉంటుందని నిర్వాహకులు తెలిపారు.

For more information latest events / updates  and lot more... Download Vijayawada TownHub Free Mobile Service App & experience new ways to stay connect with latest happenings in our city.
To Download https://goo.gl/Nd3HWS

నటరాజు పరవశించేనా.. మయూరాలు ముచ్చటపడి నర్తించేనా.. అన్నట్టుగా విజయవాడలోని ఇందిరాగాంధీ మున్సిపల్‌ స్టేడియం ఘల్లుమనె గజ్జెల సవ్వళ్లతో మార్మోగిపోయింది. ఐదో అంతర్జాతీయ కూచిపూడి నాట్య సమ్మేళనం శుక్రవారం అంగరంగ వైభవంగా ప్రారంభం కాగా, ఈ సందర్భంగా ఏర్పాటుచేసిన నృత్య ప్రదర్శనలు రసజ్ఞులను ఆనందడోలికల్లో ముంచెత్తాయి.
ఆంధ్రప్రదేశ్‌ భాషా, సాంస్కృతిక శాఖ, సిలికానాంధ్ర ఆధ్వర్యంలో విజయవాడ నగరంలో జరుగుతున్న ఐదో అంతర్జాతీయ కూచిపూడి నాట్య సమ్మేళనం అంబరాన్నంటింది. ప్రారంభోత్సవం అనంతరం లబ్ధప్రతిష్టులైన కళాకారుల ప్రదర్శనలు ఆద్యంతం ప్రేక్షకులను పులకింపజేశాయి. 108 అడుగుల విశాలమైన వేదికపై కళాకారుల నాట్య విన్యాసాలు ఆధ్యాత్మికానందాన్ని కలిగించాయి.
రాధేశ్యామ్‌.. మైమరపించెన్‌
కూచిపూడి నాట్యానికి సిద్ధేంద్రయోగి సూచించిన సంప్రదాయశైలిలో కూచిపూడి నాట్య గురువు వేదాంతం రాధేశ్యామ్‌ నాట్యపూర్వరంగం కార్యక్రమాన్ని నిర్వహించారు. 'అంబా పరాక్‌.. శారదాంబ పరాక్‌..' అంటూ సామూహిక గురు ప్రార్థన నిర్వహించారు.
స్వప్న‘సుందరం’
'భామా కలాపం' అంశాన్ని పద్మభూషణ్‌ స్వప్నసుందరి అత్యంత రమణీయంగా ప్రదర్శించారు. ప్రవేశ దరువుతో పాటు పంచ చామరాలు, మన్మద విరహ సన్నివేశాలను అద్భుతంగా ప్రదర్శించారు. ఆరు పదులు దాటినా అలుపెరగక ఆమె ప్రదర్శించిన తీరు అద్భుతంగా సాగింది. ప్రదర్శనను తిలకించిన సుప్రీంకోర్టు, హైకోర్టు న్యాయమూర్తులు జస్టిస్‌ ఎన్వీ రమణ, జస్టిస్‌ రామ సుబ్రహ్మణ్యం ఆమెను సన్మానించారు.
‘శోభా’యమానం
పద్మశ్రీ శోభానాయుడు అమాయకపు యువతి పాత్రలో చూపించిన నాట్య విన్యాసాలు ఆకట్టుకున్నాయి. సిగ్గులొలికే సన్నివేశాలకు ఆమె నాట్యం రక్తికట్టించింది.
ఇంకా.. సంగీత నాటక అకాడమీ పురస్కార గ్రహీతలు పద్మశ్రీ జయరామారావు, వనశ్రీరావు ‘థిల్లానా’ తదితర అంశాలను అద్భుతంగా ప్రదర్శించారు. నాట్యగురువు ఏబీ బాలకొండలరావు 'కూచిపూడి పద్య నాట్యం' అంశాన్ని ప్రదర్శించారు. డాక్టర్‌ పద్మజారెడ్డి వివిధ అమ్మవారి శక్తి రూపాలను వివరిస్తూ 'శక్తి' అంశానికి నర్తించారు. అలాగే, నాట్య గురువులు భాగవతుల సేతురామ్, డాక్టర్‌ జ్వలాశ్రీకళ బృందం, డాక్టర్‌ వేదాంతం రామలింగశాస్త్రి, డాక్టర్‌ జయంతి రమేష్‌ బృందం, డాక్టర్‌ పప్పు వేణుగోపాల్, భాగవతుల వెంకటరామశర్మ, అజయ్‌ బృందం, పసుమర్తి రామలింగశాస్త్రి తదితరుల నృత్యాలు అద్భుతంగా సాగాయి.
'సుజనరంజని–నాట్యమంజరి' సావనీర్‌ ఆవిష్కరణ
ఐదో అంతర్జాతీయ కూచిపూడి నాట్య సమ్మేళనంలో భాగంగా డాక్టర్‌ జుర్రు చెన్నయ్య, డాక్టర్‌ వాసుదేవసింగ్‌ ఆధ్వర్యంలో ప్రచురించిన 'సుజనరంజని–నాట్యమంజరి' సావనీర్‌ను ముఖ్యమంత్రి చంద్రబాబు, న్యాయమూర్తులు జస్టిస్‌ ఎన్వీ రమణ, రామసుబ్రహ్మణ్యం ఆవిష్కరించారు.

For more information latest events / updates  and lot more... Download Vijayawada TownHub Free Mobile Service App & experience new ways to stay connect with latest happenings in our city.
To Download https://goo.gl/Nd3HWS

Day-11 పుస్తక మహోత్సవం

 

Day-10 పుస్తక మహోత్సవం

Day-9 పుస్తక మహోత్సవం

 

Day-8 పుస్తక మహోత్సవం

పుస్తకమహోత్సవ ప్రాంగణం ఆదివారం సందర్శకులతో కిటకిటలాడింది. పాఠశాలలకు సెలవు కావడంతో పెద్దలతోపాటు పిల్లలు స్వరాజ్య మైదానంలో సందడి చేశారు. జిల్లా నుంచే కాకుండా ఇతర జిల్లాల నుంచి పెద్దఎత్తున పుస్తకప్రియులు తరలివచ్చారు. తమకు ఇష్టమైన పుస్తకాలను కొనుగోలు చేశారు. అమ్మకాలు బాగా జరిగాయని ప్రచురణకర్తలు, విక్రేతలు సంతోషం వ్యక్తం చేశారు.
  దైనందిన జీవితాలను అధ్యయనం చేస్తూ మానవీయ కోణంలో వచ్చే వ్యాస రచనలు సంఖ్య తగ్గుతుందని కవి, రచయిత, రాజకీయ విశ్లేషకులు తెలకపల్లి రవి అన్నారు. వూహాజనిత సాహిత్యం కంటే నిత్యం చైతన్యం రగిలించే సమకాలీన రచనలు రావాల్సిన అవసరం ఉందని ఆయన అభిప్రాయం వ్యక్తం చేశారు. కవిత్వం నినాదంగా మారాలని, సమకాలీన సమస్యలను అధ్యయనం చేస్తూ రచనలు సాగినపుడు ప్రజలకు చేరువగా ఉంటుందని అన్నారు. విజయవాడ బుక్‌ఫెస్టివల్‌ సొసైటీ, ఎన్టీఆర్‌ ట్రస్టు, రాష్ట్ర సాంస్కృతిక శాఖ సంయుక్తంగా నిర్వహిస్తున్న నవ్యాంధ్ర పుస్తక సంబరాల్లో భాగంగా ఆదివారం సాయంత్రం సమాలోచన వేదికపై రచయితల ముఖాముఖి కార్యక్రమం జరిగింది. పత్రికల్లో మన రచన పతాక శీర్షికగా వచ్చినపుడే ఆ కవితకు ప్రాణం ఉంటుందని పలువురు రచయితలు అభిప్రాయపడ్డారు. ఈ కార్యక్రమానికి భవిష్య సంధాన కర్తగా వ్యవహరించారు. గుడిసేవ విష్ణుప్రసాద్‌, సాహిత్యప్రకాష్‌, ఆనందరావు పట్నాయక్‌, డాక్టరు ఎస్వీ సత్యనారాయణ, గుండు సుబ్రమణ్య దీక్షితులు, ఆచార్య వెలమల సిమ్మన్న, అలపర్తి వెంకట సుబ్బారావు, నాగసూరి వేణుగోపాల్‌, డాక్టరు రాధేయ, ధర్భశయనం శ్రీనివాసాచార్య, రాచపాలెం చంద్రశేఖర్‌రెడ్డి, కంగర మోహన్‌, లోసాని సుధాకర్‌, కుప్పిలి పద్మ, యడవల్లి శ్రీనివాసరావు తదితరులు హాజరయ్యారు. కృష్ణా జిల్లా రచయితల సంఘం అధ్యక్షుడు గుత్తి కొండ సుబ్బారావు, కార్యదర్శి జివి.పూర్ణచంద్‌, కొల్లూరి తదితరులున్నారు.
పుస్తక మహోత్సవంలో నేటి కార్యక్రమాలు పుస్తక మహోత్సవప్రాంగణం, న్యూస్‌టుడే: మంగళంపల్లి బాలమురళీకృష్ణ సాహిత్య వేదికపై సోమవారం సాయంత్రం 6 గంటలకు కొలనుకొండ శివాజీ రాసిన ఎల్లలెరుగని భారత ఖ్యాతి ఇందిరాగాంధీ పుస్తకాన్ని రాజ్యసభ సభ్యుడు కేవీపీ రామచంద్రరావు ఆవిష్కరిస్తారు. ఈ సభకు పీసీసీ అధ్యక్షుడు రఘువీరారెడ్డి అధ్యక్షత వహిస్తారు. చెన్నుపాటివిద్య తదితరులు పాల్గొంటారు.
8 గంటలకు జెపి పబ్లికేషన్‌ వారి ఆస్ట్రోన్యూమరాలజీ పుస్తకావిష్కరణ ఉంటుంది. ప్రతిభా వేదికపై సామంత్రం 6 గంటలకు సంజీవనీ కుసుమ్‌ ద్విభాషా రచన ఖసాగర్‌ సుమన’ను ఉపసభాపతి మండలి బుద్ధప్రసాద్‌ ఆవిష్కరిస్తారు. 7గంటలకు గొట్టిపాటి చెంచుబాబు రాసిన దేవతా వస్త్రాలు పుస్తకావిష్కరణ జరుగుతుంది.
సాహిత్యం సత్యానికి ఆలంబన కావాలి పుస్తక మహోత్సవప్రాంగణం, న్యూస్‌టుడే: సాహిత్యం సత్యానికి ఆలంబనగా నిలవాలని, అందుకు సమాజం దోహదం చేయాలని రచయిత, రాజకీయ విశ్లేషకులు తెలకపల్లి రవి అన్నారు. ఆదివారం రాత్రి నవ్యాంధ్ర పుస్తక సంబరాల ప్రాంగణంలో మంగళంపల్లి బాలమురళీకృష్ణ వేదికపై రాణా ఆయూబ్‌ రాసిన గుజరాత్‌ ఫైల్స్‌ పుస్తకాన్ని ఆయన ఆవిష్కరించారు. ఈ సందర్భంగా రవి మాట్లాడుతూ రాజ్యం తలుచుకుంటే రాక్షసాన్ని ఎలా సృష్టించవచ్చో రాణా ఆయూబ్‌ తన పుస్తకంలో వర్ణించారని చెప్పారు. సినీ దర్శకుడు సి.ఉమామహేశ్వరరావు అధ్యక్షతన జరిగిన సభలో అరసవల్లి కృష్ణ, కొత్తపల్లి రవిబాబు తదితరులు పాల్గొన్నారు.
విభజన సవాళ్లను అందరూ కలసి అధిగమించాలి : మంగళంపల్లి బాలమురళీకృష్ణ సాహిత్య వేదికపై వి.జి.ఎస్‌. సంస్థ ప్రచురించిన ఆంధ్రప్రదేశ్‌ విభజనసవాళ్లు అనే పుస్తకాన్ని రాష్ట్ర మహిళా కమిషన్‌ ఛైర్‌పర్సన్‌ నన్నపనేని రాజకుమారి ఆవిష్కరించారు. మాజీ ఎమ్మెల్సీ కేఎస్‌ లక్ష్మణరావు పుస్తక పరిచయం చేశారు. ఇదే వేదికపై పంచాయతీ కార్యదర్శులు పోటీ పరీక్షల పుస్తకాన్ని ఎమ్మెల్సీ బొడ్డు నాగేశ్వరరావు, యూటీఎఫ్‌ పుస్తకాన్ని ఐ.వెంకటేశ్వరరావు ఆవిష్కరించారు. విజిఎస్‌ ప్రచురణ సంస్థ నిర్వాహకులు సూర్యనారాయణ మూర్తి, శివానందమూర్తి తదితరులు పాల్గొన్నారు.
ప్రతిభావేదికపై మంగళవారం రాత్రి సామవేదం షణ్ముఖశర్మ రాసిన సమాధానమ్‌ పుస్తకాన్ని మాజీ మేయర్‌ జంధ్యాల శంకర్‌ ఆవిష్కరించారు. ఈసభలో గాజుల సత్యనారాయణ, దూళిపాళ్ల రామకృష్ణ,సాయిరాం, రుషి పీఠం సంస్థ ఇన్‌చార్జి రామారావు పాల్గొన్నారు.

Day-7 పుస్తక మహోత్సవం 

‘నా జ్ఞాపకాలు’ పుస్తకావిష్కరణ

 ఆర్థికవేత్త, రిజర్వు బ్యాంకు మాజీ గవర్నరు వైవీ రెడ్డి అనుభవాలు యువతకు మార్గనిర్దేశకాలని వక్తలు అభిప్రాయపడ్డారు. రిజర్వుబ్యాంకు మాజీ గవర్నర్‌ యాగా వేణుగోపాల్‌రెడ్డి రాసిన ‘నా జ్ఞాపకాలు’ పుస్తకాన్ని స్వరాజ్య మైదానంలోని 28వ పుస్తక మహోత్సవంలోని బాల మురళీకృష్ణ వేదికపై శనివారం ఆర్థికవేత్త ప్రేమ్‌చంద్‌ ఆవిష్కరించారు. రిజర్వుబ్యాంకు పూర్వ డిప్యూటీ గవర్నరు వేపా కామేశం, రిజర్వు బ్యాంకు పూర్వ కార్యనిర్వాహక సంచాలకులు ఎ.వాసుదేవన్‌ తదితరులు పాల్గొన్నారు.
పలు పుస్తకావిష్కరణులు

 స్వరాజ్య మైదానంలోని పుస్తక మహోత్సవ ప్రాంగణం మంగళంపల్లి బాల మురళీకృష్ణ సాహిత్య వేదికపై ఎరిక్‌ హబ్స్‌బామ్‌ రాసిన ‘ఆధునిక ప్రపంచ చరిత్ర- విప్లవాలయుగం’ పుస్తకాన్ని ఆచార్య అంజిరెడ్డి ఆవిష్కరించారు. మాజీ ఎమ్మెల్యే కెఎస్‌ లక్ష్మణరావు పరిచయ ప్రసంగం చేశారు. డీఎన్‌ఝూ రాసిన ‘గోవు పవిత్రత కట్టుకథ’ పుస్తకాన్ని నాగార్జున విశ్వవిద్యాలయం ఆచార్యులు ఎన్‌ అంజయ్య ఆవిష్కరించారు. పెరుమాళ్‌ మురుగన్‌ రాసిన ‘అర్ధనారి’ పుస్తకాన్ని కథా రచŒయిత్రి పి.సత్యవతి ఆవిష్కరించారు. ఐద్వా ప్రధాన కార్యదర్శి డి.రమాదేవి పుస్తక పరిచయం చేశారు. విద్యావేత్త కె.కేశవరెడ్డి, ప్రజాశక్తి బుక్‌ హౌస్‌ నిర్వాహకులు ఎం.లక్ష్మయ్య తదితరులు పాల్గొన్నారు. ఇదే వేదికపై ప్రజాశక్తి ప్రచురణలు ‘సమ్మర్‌ హిల్‌- పిల్లల పెంపకంలో సంచలనం’, ‘పిల్లల సంపూర్ణ వికాసానికి పెద్దల సమాజంలో వచ్చే సమస్యలు’, ‘పిల్లల నేర్చుకోవడంలో తల్లిదండ్రులతో వచ్చే సమస్యలు’, ‘పిల్లల నేర్చుకోవడంలో ఉపాధ్యాయులతో, పాఠశాలలో వచ్చే సమస్యలు’ అనే పుస్తకాలను డాక్టరు జి.సమరం ఆవిష్కరించారు. ఈ సభలో విద్యావేత్త శివరాం ముఖ్య ప్రసంగం చేశారు. జనవిజ్ఞాన వేదిక నాయకులు వి.బ్రహ్మారెడ్డి, ఎమ్మెల్సీ బొడ్డు నాగేశ్వరరావు, సీనియర్‌ జర్నలిస్టు సుంకర రామచంద్రరరావు, సీవీ కృష్ణయ్య తదితరులు ప్రసంగించారు.

ప్రతిభా వేదికపై శనివారం రాత్రి మహీధర మురళీ మోహనరావు రాసిన ‘కత్తుల వంతెన’ పుస్తకాన్ని విశాలాంధ్ర పూర్వ సంపాదకులు రాఘవచారి, జగన్నాథ శర్మ రాసిన ‘రామాయణం’ పుస్తకాన్ని రాష్ట్ర శాసనసభ ఉప సభాపతి మండలి బుద్ధప్రసాద్‌ ఆవిష్కరించారు. ‘మొదటిపేజి’ ‘కంఠగాడి కాశీయాత్ర’ పుస్తకాలను ఆవిష్కరించారు. కేంద్ర సాహీతీ అవార్డు గ్రహీత పాపినేని శివశంకర్‌ మాట్లాడుతూ.. మానవ విలువల్ని కాపాడుతూ రచనలు సాగించాలని సూచించారు. విశాలాంధ్ర సంపాదకులు గడ్డం కోటేశ్వరరావు, రచయిత దివికుమార్‌, కవి సంధ్య ఎడిటర్‌ శిఖామణి తదితరులు పాల్గొన్నారు. 

Day-6 పుస్తక మహోత్సవం

 

 

Vijayawada TownHub Team met With BBA President Mr.Ch.Manmadha Rao Gaaru

 A fine evening with Mr.Ch Manmadha Rao Gaaru (BBA President) at Vijayawada Book Festival 2017 and he asked about our Vijayawada TownHub Response and he is very much impressed with our app performance. 

Thank you very much Sir for your valuable time to spend with us -- VTH

Vijayawada Book Festival Society President Ballepu Babjee Gaaru visited out stall and  asked about daily updates and our Vijayawada TownHub app performance.

   Day-5 పుస్తక మహోత్సవం

 

 

Day-4 పుస్తక మహోత్సవం

పుస్తక ప్రియుల పాదయాత్ర:
 విజయవాడ పుస్తక మహోత్సవ సంఘం ఆధ్వర్యంలో బుధవారం సాయంత్రం నిర్వహించిన పుస్తక ప్రియుల పాదయాత్రకు వారి నుంచి విశేష స్పందన లభించింది. గాంధీనగర్‌లోని ప్రెస్‌ క్లబ్‌ నుంచి ప్రారంభమైన ఈ యాత్రకు ప్రముఖ మానసిక శాస్త్రవేత్త బివి.పట్టాభిరామ్‌ పచ్చజెండాను వూపి ప్రారంభించారు. అక్కడి నుంచి ప్రదర్శనగా పుస్తక మహోత్సవ ప్రాంగణానికి చేరుకున్నారు. రిజర్వు బ్యాంకు పూర్వ గవర్నర్‌ దువ్వూరి సుబ్బారావు యాత్రకు నాయకత్వం వహించారు. ఆచార్య గోపాలగురు, మాలేపల్లి లక్ష్మయ్య, జి.వల్లీశ్వర్‌, నగేష్‌కుమాం, విజయవాడ పుస్తక మహోత్సవ సంఘం అధ్యక్షులు బి.బాబ్జి, ఉపాధ్యక్షులు లక్ష్మయ్య, కార్యదర్శి సాయిరామ్‌, ఎన్టీఆర్‌ ట్రస్టు సీఈఓ విష్ణు, ఎక్స్‌రే సాంస్కృతిక సంస్థ కొల్లూరి తదితరులు పాల్గొన్నారు. చైల్డ్‌లైన్‌, కేర్‌అండ్‌షేర్‌, నవజీవన్‌ బాలభవన్‌, ఎస్‌కేసీవీ, చిల్డ్రన్‌ ట్రస్టు, గుణదల బెతల్‌ మినిస్ట్రీస్‌, సిద్ధార్థా ఆర్ట్స్‌ కాలేజి, సిద్ధార్థ అకాడమీ, సిద్ధార్థా మహిళా కళాశాల, విద్యార్థులు పాల్గొన్నారు.

పుస్తక మహోత్స ప్రాంగణం: సామాజిక, వ్యక్తిగత జీవితంలోనూ మోహన దాస్‌ గాంధీ, మహాత్మా గాంధీగా మారిన స్ఫూర్తి అజరామరం అని పలువురు వక్తలు అభిప్రాయపడ్డారు. పుస్తక మహోత్సవంలో మంగళంపల్లి బాలమురళీకృష్ణ సాహిత్య వేదికపై ప్రముఖ వ్యక్తిత్వ వికాస రచయిత, మానసిక నిపుణులు బీవీ పట్టాభిరామ్‌ రాసిన ‘మ్యాజిక్‌ ఆఫ్‌ మహాత్మా’ అనే పుస్తకాన్ని విశ్రాంత ఐఏఎస్‌ అధికారి కె.ప్రభాకరరెడ్డి ఆవిష్కరించారు. దేశ స్వాతంత్య్రానికి కారణమైన మహాత్మాగాంధీ వ్యక్తిత్వ నైపుణ్యాలను అందరూ అధ్యయనం చేయాలని సూచించారు. రిజర్వుబ్యాంకు పూర్వ గవర్నరు దువ్వూరి సుబ్బారావు మాట్లాడుతూ.. మనిషి మనసులో మానవత్వాన్ని తట్టి లేపడంలో పట్టాభిరాం పుస్తకాలు దోహదపడతాయన్నారు. పుస్తకాన్ని అంకితం తీసుకున్న రాష్ట్ర శాసనసభాపతి మండలి బుద్ధప్రసాద్‌ మాట్లాడుతూ.. మహాత్ముడి గొప్పదనాన్ని వ్యక్తిత్వ వికాస కోణంలో చూపిన పట్టాభిరామ్‌ కృషి ప్రశంసనీయమన్నారు. పట్టాభిరామ్‌ మాట్లాడుతూ.. వ్యక్తి శీలంలో ప్రాథమికాంశాలైన దృక్పథం, ప్రవర్తన, భావ వ్యక్తీకరణ, క్రమశిక్షణను ఉన్నతస్థాయిలో నిర్వహించిన వ్యక్తి గాంధీ అని వివరించారు. గాంధీ జీవితంలో మానసిక శాస్త్రం, నిర్వహణా శాస్త్రం తదితరాలకు సంబంధించిన మూలసూత్రాలన్నీ ఆచరణలో గమనించవచ్చన్నారు. మానసిక శాస్త్రవేత్తలంతా మహాత్మాగాంధీ జీవిత చరిత్రను లోతుగా చదివి తీరాలని సూచించారు. 

 

Day-3 పుస్తక మహోత్సవం

Day-2 పుస్తక మహోత్సవం